香港基督教服務處

本頁更新於 2014-05-14 18:20
前往目錄
前往清音目錄

 

001期2014年5月

激烈社會行動 擂台大作戰

近年,示威開始成為香港的家常便飯,行動更日趨激烈。本處邀請一些服務使用者就三個問題提出個人觀感,且看他們的心聲。

  1. 你認為甚麼是激烈的社會行動?
  2. 你會不會參加這類社會行動﹖你覺得這些行動有無效?
  3. 以你的理解,這些人為何會參與激烈的社會行動?

 

婦女

*代表假名

阿婷,42歲 (育有一子一女)

  1. 近排那些反蝗行動咪係(激烈)囉……本是同根生,大家都係中國人,自己人打自己人真係好傷感。
  2. 我都有去過反財政預算案遊行架,覺得佢咁派錢唔啱囉,但我覺得呢啲行動冇效果,政府根本就唔會聽。
  3. 我覺得係因為政府唔聽民意,仲話視民意如浮雲,真係唔明白點解佢會唔聽民意。

阿然,44歲 (育有一子一女)

  1. 果啲議員扔蕉啊,遊行人士同人吵架呀,或者同警察衝撞呀咪係激進囉,驚啲細路會有樣學樣。
  2. 我撐港視架,佢地集會又守規矩,政府擺明唔啱啦!就算冇效果,都要講出黎先有人知。
  3. 我覺得啲人係為左出位,想累積政治本錢先參與呢啲行動啫。

杏姐,44歲 (育有一子一女)

  1. 好似佔領中環咁,好似細路扭計要媽媽買玩具,唔應承佢就夾硬黎。
  2. 我唔似你哋,我喺大陸長大,政府攪咩咪由得佢,我哋都冇得講⋯我都想支持熄電視行動架,不過屋企果幾個唔肯咋麻。
  3. 有啲合理既聲音都係要出黎表達既, 不過真係要有理由囉。

 

學生

阿正*(培愛學校中三學生)

  1. 造成動亂的行動。
  2. 想爭取自己的權益。
  3. 不會參加,因功課繁重,無時間。覺得行動只會破壞社會治安,如果行動有成效,香港社會便不會有這樣的現況。

志偉*(培愛學校中三學生)

  1. 反政府示威。
  2. 不會參加,因為要保障自身安全。覺得行動沒有成效,如果有效早已不需要再重複再做這些行動。
  3. 認為這些人都是知識份子或低下階層, 希望能為自己的權益發聲。

小明*(培愛學校中二學生)

  1. 打架、坐馬路、破壞社會秩序的事。
  2. 不會參加,因為自己行動不便。覺得行動沒有成效,只會破壞秩序,被人檢控。
  3. 想政府知道他的心聲,爭取權益。

俊龍(培愛學校中二學生)

  1. 破壞政府物品。
  2. 希望社會可以有進步。
  3. 會參加,因可以為人謀福利。覺得行動有成效,行動可令政府官員心軟,令他們知道要改變政策。

 

幼兒

透過圖畫表達他們對愈趨激烈的社會行動的感覺和思考。

 

青年人

阿傑*

  1. 香港的社會運動不算太激烈,但來來去去都是嗰啲方式。
  2. 香港的社會行動像嘉年華會,在政府總部唱海濶天空,叫吓口號,做吓話劇。新聞報兩日咪又冇嘢,叫吓口號又點會有效呢!
  3. 我細個移民到香港後覺得真的很自由。D官又冇貪污,又樣樣政策都有得推翻,算喺咁,但以家就唔同喇,唔怪得啲人要「激」啦。

 

懿峰

  1. 有暴力成份。
  2. 不會, 因為自己會「蝕底」和令家人擔心,無效。
  3. 為了堅持信念, 為了一絲希望, 好像明知沒結果的愛情,如果連表白都不敢就真的連一絲希望也沒有。

 

阿天

  1. 瞓馬路、掟嘢、與警務人員衝突就算激烈。
  2. 不會,如果參加者人數眾多可能有效。
  3. 我覺得激烈之前一定先有和平,有部分人以和平抗爭沒有用才會轉用激烈方法。但我認為有部分反社會的一群是「為激烈而激烈」, 這做法沒有意義。

 

阿輝*

  1. 我認為香港的社運一點也不激。最多不過是肢體推撞吧!
  2. 我一直有七一遊行,不過我知道「和理非非」(和平、理性、非暴力、非粗口),不會改變到現況。
  3. 參加社運嗰d議員不過是政治show,太多幕後指示及設計了。

 

長者

蔡女士,68歲(學歷:大專)

  1. 遊行、抗議同示威。
  2. 唔會參加,覺得無效,搞亂社會秩序,而且會令社會唔穩定。
  3. 我覺得部分是「強國人」,受到當年文革影響,認為要以示威同批鬥呢啲激烈方法表達意見,如果唔咁做就無人理。

許先生,64歲

  1. 衝擊政府總部、中聯辦等重要地方,佔中等等。
  2. 唔會參加,講完都無用,一切都由佢地(政府)話事。
  3. 回歸祖國後,學習左大陸文化,生活得唔到滿足,咪要上街囉。

張先生,73歲(學歷:大專)

  1. 例如遊行時衝擊啦⋯對象⋯衝擊警察就算激烈;掟雞蛋呀,掟玻璃樽都算架。
  2. 無參加。個人覺得無效,而且有機會有反效果添。
  3. 而家好多人既訴求得唔到回應,或問題得唔到解決,咪惟有用啲激烈既方法發聲。

 

本頁完