香港基督教服務處

本頁更新於 2014-04-01 16:27
355期2014年2-3月
互動平台

「你認為香港是否適合生仔?」

人口政策的制定必須與市民的期望相符,方能行之有效。是期互動平台,就讓我們一起與服務對象探討「生育政策」:「你認為香港是否適合生仔?」,希望在他們的回應中,為政策制定人員帶來點點啟示。

子謙 (8歲,小三學生):我覺得唔適合生仔!因為養細佬好煩,我阿媽覺得養我都幾煩!

Kenny (19歲,大學生 土木工程系Year 1):香港好多年青人冇錢、冇車、冇樓、冇合適對象。不過就算有都未必想生,因嗰社會好亂,生出來驚會害咗佢。M型社會......真係令人好害怕。

Esther (24歲,經營兒童興趣班公司):生仔冇配套,面對單雙非分薄資源,香港新生代感覺無能為力自然不會生。

阿瑩 (36歲,一子一女 醫護人員):如政府有多些支援及津貼自然有人生育。不過我個人覺得仍然要生,因生了才知有小朋友真的開心。其實人真的不要只諗自己,社會人口在老化,不生育,將來香港好難運作下去。

李太 (46歲,主婦):現代人缺乏安全感,大至地球的生態、國際的局勢、政府的管治;小至伴侶間的關係及對愛情的信任都令人冇安全感!冇安全感咪唔生。

楊女士 (91歲, 有兩子一女):生仔要請人湊, 又要講錢; 而且有錢都未必請到個好既! 我唔會勸仔女生, 要睇家庭、環境,都係順其自然吧啦,而家好開通啦!

從「是否生育」的一問與一答,可見服務對象對現時生活的環境、心理上的安全感及對將來社會發展的穩定性仍有憂慮。我們期望政府在落實人口政策時,以巿民大眾生活實況作評估,使政策推行時能真箇 急民之所急,實民之所願。

作者簡介:
吳偉明先生本處天倫綜合家庭服務中心社工
李偉頌先生本處觀塘樂Teen會隊長
張燕琳女士本處樂暉長者地區中心副主任

本頁完